ოსკარი 2012 ანუ კინოს ტრიუმფი კინოს გარეშე

დღეს გამოცდა მქონდა, ამიტომ ენერგია მხოლოდ მეცადინეობას დავახარჯე და არც ძილი გავიტეხე.
მნიშვნელობა არ აქვს, ვგულშემატკივრობ თუ არა რაიმე ფილმს, ოსკარის ცერემონიალს მაინც ვუყურებ - ამდენ "სთარს" ერთდროულად სადღა ვნახავ. მცირე დაძაბულობა და ნერვების მოშლაც სასიამოვნოა.
კიდევ რაღაცნაირი უსახელო განწყობა ახლავს თავს, ესეც მიხარია ხოლმე.

კიდევ კარგი, გამოცდა მქონდა, თორემ დღეს დილით რომ გამარჯვებულთა სიას გადავხედე, მივხვდი, მაგრად გავფსიხდებოდი და შესაძლოა კომპიუტერი ან მიმდებარე ნივთები სავალალო მდგომარეობაში აღმოჩენელიყვნენ.

2011 წელი კინოისტროიაში გამორჩეული იყო, რომელზეც პოსტს ცალკე მოვამზადებ. იმდენად კარგი და საინტერესო, განსხვავებული ფილმები გადაიღეს, რომ წარმოუდგენელი იყო, რომელიმე დაჯილდოების ფორმატში სრულად ჩატეულიყო.
ასეც მოხდა. ვერც კანის ფესტივალმა, ვერც ბერლინის ფესტივალმა და ვერც "ოსკარებმა" სრულად ვერ დაგვანახეს კინომოყვარულებს და კინოთი დაინტერებულ ადამიანებს წლის მთავარი ხიბლი. პრინციპში მათ ფორმატი ამის საშუალებასაც არ აძლევს, ყველაფერი ხომ ხუთ პირობით ნომინაციაში ჯდება.

მთავარი ტრიუმფატორები

არადა, 2011 წელი, მართლაც გასაოცარი წელია. თუნდაც ის, რომ ჩემმა ოთხმა ფავორიტმა რეჟისორმა გადაიღო ფილმი, მეტყველებს რაღაცაზე!
მივუბრუნდეთ ოსკარს.

თუკი დავივიწყებთ იმ განსაკუთრებულ ამბავს და მხოლოდ წარდგენილი ფილმებით ვიმსჯელებთ, ასე გამოვა: საუკეთესო ფილმში "არტისტი" ნამდვილად, კაციც დუჟარდენი და რეჟისორიც ჰაზანავიჩუსი. ქალი მერილ სტიპი (თუმცა დევისი იმსახურებდა). უბრალოდ აკადემიამ იმდენჯერ წარადგინა ბოლო წლებში, რომ კომიკურ სიტუაციას ემსგავსებოდა, მერილს კვალვ ნომინაცია რომ შერჩენოდა.
მეორეხარისხოვანი როლებიც დამსახურებულად გადანაწილდა. ოქტავია სპენსერს, მთელი გულით ვგულშემატკივრობდი.

სამი ქალი ფილმიდან "დამხმარე"

აი, დანარჩენი ნომინაციების გამარჯვებულები მეტნაკლებად იმსახურებდნენ.
აკადემიას ახასიათებს გადაჭარბებული გაფეტიშება. ასე მოხდა "არტისტის" 5 ოსკარის მიღების შემთხვევაში, თუმცა ამ ფილმს არც სხვა ფესტივალებმა თუ კრიტიკოსთა ასოციაციებმა დააკლეს გაფეტიშებაში: 7 "ბაფტა", 9 ფენიქსის ფილმის კრიტიკოსთა ჯილდო, 3 "ოქროს გლობუსი", 4 "Independent Spirit Awards", 6 "სეზარი" და სხვა. საბოლოო ჯამში, აიღო 80-ზე მეტი ჯილდო.
დამერწმუნეთ, ფილმი ნამდვილად არაა 2011 წლის საუკეთესო. უბრალოდ, მხცოვან კრიტიკოსებს ნოსტალგია მოაწვათ, ან სულაც იქნებ ეს ნოსტალგია მთლიანად კინოსაზოგადოებაში იყო, ამიტომ შედეგი ასეთია.

რამდენიმე სიტყვა წითელ ხალიჩაზეც. ჩემი ფავორიტი კაბა ჯესიკა ჩესტეინისაა. საერთოდ, ჯესიკაზე მეორე პოსტში, კინოზე რომ დავწერ, იმდენი უნდა ვილაპარაკო, იმდენი, იმდენიი, ამიტომ ახლა თავს შევიკავებ.

მომეწონა იოვოვიჩის, სტრიპის, სპენსერის კაბები.

ცუდი კაბა ეცვა ბულოკს (რომელმაც წელს თავი შეიკავა ლესბოსური გამოხტომებისგან), მაკარტნის, ემა სტოუნს, ვიოლა დევის საშინელი ფერის კაბა ეცვა.

გამოცდა კარგად დავწერე, ამიტომ გახარებული ვარ.
დაელოდეთ 2011 წლის საუკეთესო ფილმების ჩემეულ მიმოხილვას.